Welcome To Polly's World

Christmas Party @ Happy Valley

pollyyim — Tue, 08 Dec 2009 23:01:07 +0800

今年既聖誕聯歡晚會, 公司訂了馬會既會所食buffet........我覺得麻麻, 食環境多過食物, 而且食物款式不多, 估都吾估吾到最好食竟然係蒜蓉包同牛奶公奶雪糕.......要$500/人, 好彩公司贊助$420, lily包底!! 我地果組好多人無去, 有d吾舒服, 有d一早講左話吾得閒吾去.....lily梗係吾高興, 比左錢架嘛..........

而我呢幾日心情都是麻麻.........仲要今日俾人"潤".......又撩番兩年前既嘢黎講, 真係火滾所以坐左一陣已經想返屋企, 但又想等埋抽獎, 最終乜都抽吾到.........坐到10pm先坐mtr回家..........

由於個腦一片空白, 架車去到"荔景站"我都吾識落車, 去到青衣又要坐返轉頭, 最後11:20pm先返到家..........好累!! 但又好想將今晚既事寫出黎.........吾係遲早屈到顛

貪得無厭 >.<

pollyyim — Mon, 07 Dec 2009 21:54:31 +0800

今日五點幾時........聽到坐係對面既餅琼問-----> 喂! 你地幾個送咩俾我個仔呀?? 佢條0靚答: 吓?? BB都未出世, 遲D先啦點知佢死纏難打, 話我諗到啦, 不如你地送架BB車俾我呀!! 其中一個同事扮嘢行開.........餅琼吾死心, 話我要BB車呀, 你地送俾我啦. 又叫Peggy就算去左外國讀書, 都要夾錢.........佢面皮真厚, 完全吾覺吾好意思

唉!! 我吾理佢........反正都係跟大圍, 大家夾既, 我都要夾啦.......無計!!

除此之外, 佢又Book左房下星期三(12月6日)開lunch party, 順便賀佢放產假咼.........真係離譜!! 開到口叫人賀佢.............正cheap精!! 本來大家打算order sushi,佢又話佢吾食得, 叫我地order第二样.........真係煩!!!

結婚禮物

pollyyim — Sat, 05 Dec 2009 21:25:23 +0800

今日收到遠方既朋友／契女寄來的結婚禮物。。。。很開心啊！！　只可惜佢地一家未能出席我的婚禮。。。

雖然大學畢業之後，我們再無見面，但我們仍然有聯絡，多了ＦＡＣＥＢＯＯＫ這網頁，我們可分享大家的生活照，看見ＫＡＩＬＥＹ一天一天的長大，每天都笑面迎人，就知她生活愉快。。。　不知時間久了，佢仲掛吾掛住我呢。。。。。。

宣佈婚訊－燒賣婆婆

pollyyim — Sun, 29 Nov 2009 20:55:34 +0800

星期五果晚。。。差不多10點，燒賣阿姨打黎，問我地星期日去吾去佢家，佢放假咼。。而燒賣婆婆也搶電話，叫我地出去打麻雀。。。其實她們只係想八卦我們的婚禮搞成點，婚後住邊，酒席幾錢。。。。。。。等等同錢有關既問題　我們覺得遲早也要宣佈，況且燒賣話有辦法耍走佢地，所以就答應了找她們！！

今日比平時早兩小時出去，點知還是去飲下午茶(1:45pm)，去到仲等左15分鐘(因為未夠鐘)，早知係家睇多一陣電視，而出席既人跟平時一样-->５人　(我／燒賣／燒賣婆婆／燒賣阿姨／燒賣大舅父)，打麻雀吹吓水。。。。。言語間佢姨好像暗示我們不早點通知燒賣哥哥，那他跟女朋友可以早一點計劃一下結婚，始終老人家思想傳統一點，由大至細成家立家，但。。。。。。一言難盡！！中間涉及很多問題，我吾相信單憑我同燒賣決定結婚就影響佢地既決定。。。Anyway,我希望佢地無事吧

Cato 新居

pollyyim — Sat, 28 Nov 2009 20:19:55 +0800

今日我地八婆會既活動就係去Cato (熊太)新居搗亂..........呵呵

熊生熊太既愛巢位於離島區 -- 東涌映灣園.........嘩!! 環境清悠, 好似去左半山既豪宅咁, 周圍無人, 要坐shuttle bus五分鐘先去到大堂......落車坐電梯到第x座, 大堂都幾濶落/乾淨.....而Cato是住5x樓, 很高啊.........相信從露台望出去, 個view都幾靚, 雖然不是向海, 但也是不算太差....他們的家很簡約(6xx呎), 全屋以白色為主, 燈飾/組合櫃/TV櫃等等......只有Sofa是紅色, 另外就是客房其中一面貼了黑色/銀色wallpaper, 很Cyber Feel...對我呢ｄ又多衫褲鞋襪既人, 就無可能咁簡約喇　參觀過後, 熊生就播番大婚當日既花絮/婚紗相俾我地睇, 很sweet啊 ^__^

之後我地玩pictionary...........哈哈.......我第一次玩啊, 我跟zoe/布布一組, 我地畫圖麻麻, 所以輸了, 不過算啦..........玩吓者, 不用太認真!!

由於戶主兩夫婦都不愛下廚，　所以今晚既晚餐就外賣pizza hut。。。。食飽睇了一陣"宮心計"就回家，因為實在太遠了，　我住荃灣都要４０分鐘先返到屋企，佢地住屯門／天水圍起碼６０分鐘。。。

度蜜月準備

pollyyim — Sun, 15 Nov 2009 21:25:02 +0800

今日我們想到兩個活動........第一: 首先去油麻地拿信用卡禮物, 然後就去沙田連城商場, 拿一些旅行資料, 看看價錢/出發日期........而第二活動就係去探燒賣婆婆, 順便宣佈我跟燒賣的婚事 (距離婚期吾夠70日, 差吾到時候向各方親戚好朋報喜), 但怕出到去好遲了 --> 3pm!! 諗左一陣, 選了第二活動, 咁諗住打去佢婆婆家, 睇下佢地今日有乜搞作........原來佢地成家人有事做, 一對新人吾方便出席............所以我地就去了沙田啦!!

嘩...............鬼咁多人報名 / 查詢, 好似吾駛錢咁..........d店員話並吾係因為今日星期日先咁多人, 因為這兒旅行社比較集中, 平日都係咁上下人流.........我地問左四間 (永安 / 康泰 / 美麗華 / 星晨), 經過一論研究後, 我們會考慮永安 / 康泰.........至於地點, 保持神秘......哈哈!!

燒賣聽日又要出差, 行行吓街佢老細又打黎問嘢.............所以我地5:45pm就去拿位食晚飯, 早點回家沖涼, 執行李........同埋今晚明珠台播 -- 穿prada既惡魔, 早點回家吧.........

調職???

pollyyim — Wed, 11 Nov 2009 21:10:05 +0800

自從多左4x late-added既款後, 真係忙到扒街.........成日加班!! 遲下 (12月尾至出年3月尾)餅琼放產假, peggy辭職去日本讀書, 而我要請假結婚/度蜜月, 公司仲忙, 拿拿林快d請人啦................我同阿pet兩個細既, 點搞得掂呀 ?? 本來peggy辭職去讀書, 我也贊成, 做自己鍾意既嘢.......況且見佢都做得吾開心!! 但若然佢走左, 我要頂佢個位 (即係我調去跟阿ming, 另外請個新人跟豬同學), 即係叫我早d遞信辭職既?? 一來常加班 (我見peggy做到好夜, 雖則佢話吾關阿ming事), 二來阿ming話鬧人..........有時做嘢都做到煩啦, 仲要俾佢鬧, 點頂呀??

呢件事我都係聽豬同學講..........傾下計者, 未決定既!! 豬同學話.......你問我, 我梗係吾想啦, 請個新人我又要睇住佢, 重新train up!! 但言語間, 佢都好似無能為力..........真無用!!!

男禮

pollyyim — Sun, 01 Nov 2009 23:22:50 +0800

今日陪燒賣去揀男禮......顏色/款色我都很鍾意, 大家估下 (黑 / 白 / 灰 / 銀灰).........呵呵

我們的婚事.......我一早已向媽媽/婆婆/朋友宣佈, 而燒賣只是近排才宣佈, 因為有些事要顧慮! 唉.........點解結婚會製造咁多問題架.......所以婚真係結一次就夠!! 燒賣, 無論如何我都會支持你的^^ 努力吧.......好好跟他們溝通吧

喜帖

pollyyim — Sat, 31 Oct 2009 23:35:12 +0800

今年既萬聖節........一如以往, 如常地過日子........無特別出去玩!! 距離大婚吾夠三個月, 開始攪D碎星嘢........ 午飯後, 我地先返屋企, 燒賣話要整電腦 (屯門果部電腦搬左出黎整, 原來係DISPLAY咭壞左), 一整就整到３點幾，我摧佢整快Ｄ啦，我地仲要出去攪喜帖架！！今晚仲要入屯門食晚飯添。。。吾好遲到啦，吾想俾藉口阿爸話我。。。。

繼酒樓既陳經理辭工之後，又有一样出乎意料既事。。就係喜帖顏色揀吾到"金色"，我鍾意既款只有金黃色/紅色/粉紅色，睇來睇去都係鍾意呢款，唯有揀紅色吧　其間我同燒賣出現少少分歧，佢吾想揀紅色（個款ＯＫ的），佢話睇黎好＂娘＂咼。。。　但佢向來都尊重我的，所以還是該我決定差不多六點，要入屯門啦，再吾搭車就遲大到。。。。。。最後都遲左半個鐘，我梗係打去報案先，好彩媽媽訂了七點半，而阿爸阿麻姑媽佢地就八點先到。。。佢遲到就好地地，真吾公平！！

間公司話過幾日先排到版出黎，大約１０日就可以提貨。。。如果咁样，就吾需太急，可以叫佢地月尾先印，費時拎左返家又要搵位擺　期待我和燒賣給大家的炸彈快點完成　

見家長

pollyyim — Sun, 25 Oct 2009 21:15:22 +0800

wowow.......三個禮拜無寫blog啦.......又要搞結婚既嘢, 工作又忙 (真係好生意, 布廠/製衣廠/輔料廠全部爆單, 仲要搵外發), 希望公司年尾識做啦......哈哈

今日約左雙方家長去視察場地 (其實我同燒賣已視察過, 也試過佢地既點心), 順便傾下過大禮既事..........最衰尋晚燒賣同佢媽傾計既時候表達得吾好, 引起誤會, 佢媽以為今日飲完茶我同媽去租禮服, 無預佢........其實係我同燒賣去試男禮, 我揀一套褂 .........唉!! 為免誤會加深, 飲完茶就各自搵節目, 我就照原定計劃試褂 (我爸媽 / 姑媽 / 表姐陪我一齊去), 而燒賣就同佢媽去金都睇嘢..............試完褂, 我媽話想去金都行下, 反正我又無節目, 咪去睇下囉............咁橋撞到未來奶奶, 佢原來係我地睇緊果間試緊禮服.........我都吾知架, 準備落訂之制, 咪打去問下係咪租埋同一間, 可以join package平d嘛........先知佢地係隔離果間, 仲平-- $2000/四套 (我媽兩套, 佢兩套), 咪拿拿聲過去..........佢地揀好啦, 只差我阿婆........呢d我交俾我媽搞啦

差不多5:30pm, 我媽佢地話走啦.......我本想跟燒賣, 佢話佢要返大埔整電腦, 仲要我陪屋企人啦.........咁我咪跟佢地, 我地去左始創中心食嘢..........6:45pm埋單, 因為姑媽/表姐去沙田睇大戲!! 阿爸阿媽就返屯門.........我就返荃灣.........好累呀!! 所以旺角都無行就坐車走!!

早前既鬥爭吾鬥住.......停戰三個月...........而家最重要係搞好我同燒賣既大project!!

休息日

pollyyim — Sat, 03 Oct 2009 21:19:53 +0800

嘩...........尋晚返到屋企..........即係食胃葯打底........第二朝訓到11:20am, 拿拿林起身刷牙, 因為約左阿婆 / 阿婆朋友飲午茶..........但真係好累呀, 所以邊度都吾想去, 返屋企食多次葯, 就衝上床訓覺

一訓就訓到六點幾........但個人仲係好swing..........好累, 不過比起今朝早已經好好多, 所以就同燒賣出去葵芳行下, 食晚飯!! 不過乜都無買.......純粹行下........因為實在太多人啦!!

Zoe 大婚日

pollyyim — Fri, 02 Oct 2009 20:52:58 +0800

登....登.....登......登.......今日係Zoe同Chris既大婚之日, 係我地八婆會第二個出嫁既姊妹, 亦係我第一之擔任姊妹.......一切順利, 無愈幫愈忙.........呵呵!!

按原定時間6am起身刷牙洗面, 6:30am出門口行去西鐵站.........7:05am去到天水圍, 同catherine/kennis吃個早餐後就上zoe屋企, 一入門口, 已見到新娘子係度化妝, 而其中一個姊妹都係度化妝, 咁我地三個就拿拿地入房換裙.......差不多9:15am, 大家準備就緒, 就call班兄弟上黎接新娘......嘻嘻我地準備左三個game / 一份愛的宣言 / 收開門利是, 終於10am就放班兄弟入黎........一對新人拜天地, 同父母敬茶.........然後就向男家出發, 一切順利, 最後係12:45pm做妥哂所有儀式..........而主人家就安排我地去酒樓午飯!!

唉...........惡夢黎啦..........攝影師話d豉椒帶子 / 扇貝好扺食 ($13.8/一碟), 就叫左2碟帶子, 2碟扇貝......我都吾敢食咁多, 食左一隻帶子咁多......初頭都無嘢, 點知去到酒樓set up就開始吾舒服, 個胃頂住, 個頭又痛咼一直都以為係條裙太緊, 谷住個肚吾舒服....後來諗下諗下應該食左d吾乾淨既嘢..........到開席時, 根本食吾落嘢, 係少少都食吾落.....又吾敢同人講, 怕嚇親人到上燒雞時, 我忍吾住啦........一入厠所就嘔.......全日食既嘢都嘔哂出黎定一定神........舒服哂.......出到去仲食到伊麵 (食少少啦), 然後就換番便服, 同新娘子講 "拜拜" !!

劉氏伉儷.........祝百年好合! 永結同心!

婚禮籌備 - 租姐妹衫

pollyyim — Sun, 27 Sep 2009 11:57:48 +0800

好嘢...........又搞掂一样嘢所有姐妹 / 伴娘已經揀好自己鍾意既款, 度好尺寸, 咁人地就可以開始做裙.........預計三個月後就可以final fit!! 下一樣要搞既就係請客名單, 呢样就要媽媽幫手了, 尋晚我同佢講左, 10月中就要將名單俾我, 因為我仲要編坐位, 叫朋友幫我整個sitting plan

尋日下晏先同阿妹/阿婆係"北京人家"午飯, 之後再去地鐵站會合genie, 我地差不多2:45pm先去到間鋪頭..........嘩!! 人頭湧湧, d款又多........簡直眼花暸亂, 最後佢地4pm先揀好款/度尺寸........而florence就3:45pm先黎到, 佢好快趣.........拿拿林揀左三個款去試, 到度尺時, 老板娘先話佢揀果三個款都做吾到蘋果綠 (指定顏色.....哈哈), 最後佢揀左同zoe / kennis一樣既款, 只係腰帶隻蝴蝶結轉左黃金.......都好呀!!

搞下搞下...........5pm了, 我同genie就去左買d護膚品 (會員係生日月買嘢有七折) 之後就趕返荃灣, 約左阿姨 / 阿媽同佢d朋友晚飯.........晚飯後仲去左松記食糖水......正呀最後11pm先返到屋企........而燒賣已經返左家............睇左陣電視就訓啦

各執一詞

pollyyim — Tue, 22 Sep 2009 21:17:36 +0800

唉........同阿妹傾完之後, 發現我跟爸爸出現既問題..........同样地發生係阿媽同阿妹身上.........天呀?? 已經夠煩架啦, 家下仲要顧埋阿妹......係電話聽出佢認為媽媽今次做得太絕, 仲話一出聲阿媽就大聲夾晦氣咁話佢, 老實講, 我真係未見過, 但阿妹無理由屈佢者..........真係公說公有理, 婆說婆有理

今日放工約左其中一個姐妹去試衫.......本來打算同佢食晚飯, 點知佢有節目 (要去聽Seminar), 所以我唯有坐車返荃灣........去諗下美心個蒸魚套餐先本來搵到張枱架, 但要出去拎嘢食, 無理由放低個手袋者.......轉頭個位就俾人霸左 (係一個肥男人), 所以我搵第二張枱.......想坐低之者, 成盆食物倒寫哂我一直都諗緊屋企既事, 再聽埋阿妹既電話.....個人根本係度遊魂好彩美心d人肯補整番俾我..........自己既事搞到人 (d嘢食要重整 / 成撻地濕哂 / d椅又濕哂)......我好憎自己.......

生日飯

pollyyim — Sun, 20 Sep 2009 22:20:02 +0800

尋晚係B女滿月之喜............但我無一早入去, 差不多8pm先坐巴士入屯門食晚.......今晚舅父擺左十月, 2/3都係朋友..........真係相熟滿天下食飽還以為媽會跟我返荃灣, 但佢無.......留係屯門打通宵牌, 好彩佢叫其中一個街坊(佢地兩夫婦都係住荃灣)車我返去, 所以半個鐘到就返到家...........但我沖涼後無即係訓, 反而睇左陣電視.........哈哈 ^^

今日豬同學放假........我不知幾驚獅子過黎搞我.......自己心情又吾好, 平時個腦都轉吾到佢個channel.............我怕........好彩有其他同事應酬佢!!

放工拿拿林趕返荃灣..........其實都吾駛趕, 因為燒賣一定吾會早過7pm出現係荃灣, 而我呢....最快既紀錄 (由公司去荃灣) 係6:26pm!! 咁岩個電話今日short short地, 打吾到俾人, 所以我就係mtr既電話亭打俾燒賣, 佢叫我行住先, 係trendyland門口等佢, 最后等到6:53pm佢先到, 佢仲好吾開心話.........諗住係美孚轉車會快d, 點知比平時係荃灣西鐵行過黎仲慢, 又俾貴左$5.3車費 (因為佢轉車嘛 )!! 原來佢想帶我去潮江春食海上鮮, 話蒸條魚俾我食, 我話係果度食嘢好貴既............美心快餐都有蒸魚套餐咼講笑者......我話那我寧願去海港酒家食蒸魚, 因為食過幾次, 水準都幾穩定..........食飯之前, 我地去拎結婚介子, 好感覺........是我們的結婚介子, 不過有點鬆呢........因為我怕太緊/岩岩好, 大日子當日帶埋手套, 好難帶

今晚燒賣還為我準備中式壽包..........呵呵!!