  |
    |
今日得燒賣既安排, 我地去左燒賣婆婆家打麻雀, 打了11圈到, 三個win婆婆一個 
不過我估佢婆婆都無乜所謂, 志在d仔女/孫仔黎陪佢玩, 今晚仲係佢家食飯, 佢阿姨負責煮, 都係家常便飯 ^__^
九點未夠就被趕走了, 她們擔心我回到家很晚, 所以要我地早些搭車走!! 去到銅鑼灣, 行了一陣東角, 竟然撞到我妹/男朋友, 大家打了聲招呼就各走各行.......其實都無乜特別新款, 所以行左兩層就走, 返到荃灣都係10:20pm......呵呵!!
回家當然是看看wedding blog, 睇下d未來新娘子今個禮拜有乜新進展, 參考參考嘛 
原來雅芳婷既hello kitty龍鳳被一定要乾洗, 否則hello kitty塊面會沾色 
喔喔!! 原本我都想買一張的 (反正是媽媽送), 但知道這個limitation後, 就真係認真想想, 一張被+床單+cushion 要成$18xx, 太貴了, 有人送都係咁話!!
終於都到12月了 (明天), 因為很快就x'mas + new year, 又可放假去玩了!! 我就有一連串既節目..........呵呵 
今日係Iris同佢老公既大喜日子, 我地一班姐妹一早就起身, 坐車出去觀禮, 儀式於早上九點四五分開始, 但我地約左9:15am係文化中心的長長樓梯處等!! 因為主席怕塞車, 所以就建議7:45am就坐巴士出去, 文通一切暢順, 我地九點未夠就到左尖沙咀.......
現場所見, 都有好多對新人註冊結婚, 這幾天很涼.......見到iris著到咁單薄, 也替她擔心, 好彩十點到, 陽光很猛, 感覺暖好多, 至少有18度........而一對新人不停跟親朋戚友影相/問好, 我也很開心!! 唯一美中不足既地方就係附近裝修, 所以可以作為影相背景的地方不多!!
我是第一次觀禮, 感覺很莊嚴, 當一對新人宣誓的一刻, 我感覺很震撼 / 感動, 由這一刻開始, 她們就結成夫婦.....雖則整個這程只有幾分鐘, 但相信她們一世也會記住!!
在此祝福一對新人白頭到老, 永結同心 ^__^
hello..........成個禮拜無寫ｂｌｏｇ了， 星期初就真的忙， 差不多８ｐｍ先放工， 之後兩日 （星期四／五）就病了， 可能著不夠衫， 食左藥就混混噔噔
今日訓到１１點， 起身食左ｄ通心粉又訓過， ４ｐｍ先換衫出去， 同燒賣去沙田行街街！！ 對對．．．．．．．．燒蕒返番一至五了，所以我們可以有兩日拍拖 入到去都５ｐｍ， 行左一陣沙田廣場， 訂了一個手袋（因為無貨， 要從韓國訂回來），是燒賣提早送給我的聖誕禮物 ＾＿＿＾ 之後行去一田， 聽說１１／２０－２４大減價， 貨品低至兩折， 所以很多很多人， 比平時起碼多了兩倍人流， 我地無行家品部， 只行左超市！！ 好似吾駛錢咁，成箱成箱咁買 的確係抵既，我地都買了＄２ｘｘ．．．．．都係零食多．．．．呵呵！！
七點去食飯（小籠包）．．．嘩！！又係咁勁多， 二人台要等６０張， 但又好想食，所以決定等落去，但等左半個鐘條龍都無乜點郁過，又累又餓，我叫燒賣去對面ｓｈａｋｅｙ ｓｈａｋｅｙ ｐｉｚｚａ拿票， 平時果邊多人都好，等１５分鐘就有位， 但今晚相反， 最後我呢邊比較快， 所以還是食小籠包 入到去諗都吾諗就落單點我最愛的豆辦燒桂魚， 小籠包， 另外點了一個新菜 －－＞ 百頁結烤肉， 味道吾錯， 係ｄ肉肥左ｄｄ．．．
為左趕回家看容祖兒ｃｏｎｃｅｒｔ，我地埋單后行多１５分鐘， 就坐巴士回家了！！
由於舅父舅母結婚, 我請了兩日假 (Nov 11-12)......kekekke......個個都話駛吾駛咁誇呀??? 又吾係你結婚 咁我知道飲宴當晚肯定玩到好夜, 第二朝咁早起身肯定好辛苦 (加上這幾天咁凍), 所以請多一日休息下!!
雖然吾係我結婚, 但看見她們一起, 我很開心/感動!! 其實婚禮當天很多細節我都無參與 (如接新娘 / 拿西餅 / 影相.....) 我做緊乜?? 呵呵.....咪係屋企呆坐, 到我想出去時 (大約兩點), 佢地又叫我坐多陣, 3pm上酒樓化妝set頭, 化妝師已係酒樓stand by ^^ 如是者, 我係第一個化妝 (吾計新娘 / 伴娘), 之後我就影左一陣相, 就埋位坐門口, 負責收賀禮!!
而燒賣因為要返工, 所以七點幾先到, 他肯定趕得好辛苦呢, 看見他覺得他像很累, 當晚佢送左我返屋企, 佢先坐巴士回家, 很可惜尾班車已開, 佢要坐N車..........或者佢最近pressure大 (工作上), 又沒著夠衫, 剛才放工我打俾佢, 佢話吾舒服, 好像發燒 
舅父佢地去左泰國度蜜月, 我笑佢地你地呢8日好充實, 10號開始準備第二日出嫁的東西, 11日正日當然由朝忙到晚, 尋日就去還衫 / 回門, 今日開始一連五日 (11/13 - 11/17)就去度蜜月, 第二朝又要返工..........勁累呀!! 不過新婚既佢地, 幾累都覺得sweet 
又搞掂一样嘢........今日同媽媽/燒賣去婚紗展, 其實今次我地既 目標係餅咭/婚宴化妝, 點知殺出個"程咬金", 途經羅浮宮個booth, 見到上次幫我落妝(影婚紗相)個姐姐仔, 傾下傾下幫佢買左個外租禮服package, 咁佢都好識做, 又9折, 又送這送那, 最後埋單$4760
- 婚紗一套 (包頭紗/底裙/拖尾/可選Louvre Couture品牌)
- 豪華晚裝兩套
- 中式裙褂一套
- 新郎禮服一套 (可選黑/白/灰/銀色, 包bow tie, 腰封, 不連裇衫)
- 送新娘晚裝 或 伴娘晚裝 或 媽咪晚裝一套
- 公司九週年送外租新娘晚裝一套
- 送五個新娘頭飾/手飾造型 (因為有可能我有5套晚裝, 若然伴娘 / 媽媽揀不到)
之後我地去左美心買多60張餅咭 (其中10張是幫人買的).........最後走去八下d酒席行情, 我們的大日子很多酒樓都俾人訂了......好彩者.......所以話理得你什麼經濟, 結婚每一項細節都是有利可圖
我同燒賣商量啦, 即然頭飾 / 手飾已有贊助, 化妝果度可慳d
自從上星期六/日去完澳門玩, 就累左幾日, 之前有幾聲咳. 係澳門食左咁多好嘢......返到黎香港又病又累, 所以星期一以傷腿為名 (事實上我係澳門真係整傷對腳), 一放工就去睇醫生, 本來已經累, 食左藥仲累, 所以早幾日我食飽飯 / 沖完涼, 就上床訓, 記得當時只係9:30pm
尋日先叫有番d精神, 同d同事講下笑.......這個星期真係捱得辛苦, 等幾耐先等到星期六放假, 陰公
關於澳門之旅, 總括黎講都滿意, 有得玩有得食, 係就係累d (最後我們取消去漁人碼頭 / 威尼斯人渡假村), 但玩得很開心.......現在想起也有點回味, 如果星期六玩game/講笑吾係玩到凌晨2:xx, 第二朝又要9am集合, 我想會玩到更多地方.......
今日同genie去左霸王山莊食lunch, 約左幾個星期先約到佢, 傾下計順便俾生日禮物佢, 之後我地去左little shop吹水 (阿連去左果度), 差不多5pm我就去食嘢, 準備晚餐.......燒賣返黎之前, 我去左會所睇報紙........今日各大頭題都係講 "甘比女兒生父成謎", 我呢就覺得吾會卦, 你估個男人傻咩, 吾係自己骨肉仲要, 況且個男人都吾係善男信女, 若然個女人真係俾綠帽個男人帶, 佢仲可以安安樂樂過日子.........不過呢d嘢未必係外人睇得咁簡單.....下回分解??
今日阿ming (又稱boss, 因為佢成日駡人時, 都會插句 --> 你老闆呀) 好大膽呀.......佢駁獅子咀呀.......最後一句 : 總之我吾想跟啦
......我就吾夠膽啦, 容乜易日後無好日子過呀?? 尤其佢呢d手停口停, 無左份工點好 (我估佢最少$3xxxx人工), 吾驚俾人炒咩??
不過咁.......我見佢同獅子頂咀, 而獅子最後無聲出, 我個心不知幾涼........豬同學就吾敢
其實豬同學有工作經驗, 做人又圓滑, 吾一定係度打工者........睇死佢覺得呢份工安定, 又吾駛點返大陸.......當然人工都吾差啦, 做左7年, 要走一早走啦........
開始搞spring 10既辦啦.......今季跟27款.......所以都會幾忙......努力呀!!! 寶莉 
今晚獅子請食buffet, 我是十萬個不願意參與其中........對住佢, 食左都要嘔返出黎, 成個食死貓 / 貓面, 點會食得多嘢.........又會咁岩, 我地幾個同佢第二批出發, 由公司行去銅鑼灣, 起初無人同佢講嘢.......行到中途, 佢竟然同阿pet / peggy傾得好投入
去到原來人齊啦.......我地五個最後到........我又係行得慢, 個個都坐低, 得返一個位 ---> 坐係獅子隔離......救命~____________~ 當時真係馬上回家.....繼續我都無同佢講嘢, 係佢主動搞gag........隨便答佢幾句
到9pm, 佢埋單先走, 我地坐多半個鐘先走.......
這間酒店都算多嘢食, 但質素就麻麻, 吾係样樣都好食 / 新鮮, 价錢都吾平 (我覺得) --> $308/位加一服務費!! 聽說小黑有會員咭 (75折), 但埋單都要3xxx.....又會咁濶佬 過兩日話去飲荼咼, celebrate 小黑生日.........我想請假呀......吾鐘意佢仲要請佢食嘢.......
今日午飯後.........心情很down / 不開心, 因為又俾獅子咬.........企係我個位鬧, 成條team都聽到.........我無錯, 係佢自己吾知頭吾知路, 聽吾明就話人mislead佢........哼!! 燒賣講得岩, 下次呢d情況, 打死都吾好出聲, 等豬同學答佢.........或都佢目標都吾係我呢, 我出聲中正佢下懷 
係咪我生得樣衰?? 我總覺得佢針對我, 我做乜/講乜佢都聽吾入耳, 仲要單單打打......好難頂呀
幾時先可以離開這鬼地方, 我吾肯定將來係點.......但可肯定這個死局吾會有彎轉咯!! 當你對一樣事物 / 人有偏見, 佢做乜你都睇吾順眼....仲想拔走這眼中釘!! 但燒賣安慰我, 叫我吾好亂諗啦.......
聽日獅子請食飯........我吾想去呀, 一來不可暢所欲言, 二來返到屋企太夜了 (miss一集珠光寶氣), 三來吾想見到佢...........我怕會反胃 
